José Precedo
José Precedo é, desde os inicios da súa carreira profesional en Galicia, un dos nomes principais do xornalismo político e de investigación en España, onde se distinguiu sempre polo seu traballo vencellado ao servizo público, á proximidade e á responsabilidade social. O pasado novembro, cando declarou no Tribunal Supremo no cadro do proceso ao Fiscal Xeneral do Estado, defendeu dunha maneira firme e contundente alicerces do oficio como a confidencialidade das fontes e a lexitimidade do traballo informativo, erixíndose así nun estandarte da independencia do xornalismo fronte a calquera tentativa de instrumentalización xudicial.
